يا قلبي يا طيب .....

يا قلبي يا طيب طيبتك بتتعيب
بيها الناس ظلموك , وفى عز المحنة سابوك
فى الفرح كانوا معاك , فى الجرح نسيوا هواك
ويا قلبي يا طيب .........
صدقني دى لعبتهم
على طيبتك بنوا قسوتهم
ع الجرح عودوك
تداويهم يجرحوك
فى الوهم عيشوك
تنصفهم يظلموك
ويا قلبي يا طيب .......
نصيحة مني ليك , داوى إلي يداويك
ولا تندم ولا تتحير
بكرة الأيام تتغير
بكرة إلي باعوا هواك يرجعوا يتمنوا رضاك
بس أوعى تحن ليهم
ده طبع الغدر فيهم
زمان ......... زمان كنت إنتا أملهم
دلوقتى ولا على بالهم
خايف عليك ياقلبي
م القسوة تبقى قاسى
خايف عليك يا قلبي
للطيبة تبقى ناسى
ويا قلبي ياطيب ................