اضحـــــك كـــــركــــــر

في واحد ماشي ورا وحده قالها: "الحلوه وراها مشوار؟"، قالت: "لا.....الحلوه وراها حمار!!"
................
مره واحد صعيدى سافر الى القاهرة . إتسرقت المحفظه منو , فبلغ عنها للشرطة . فقال له الضابط حاضر حجيبهالك من تحت الأرض .
طلع الصعيدى بره لقى الناس بتحفر لخط المترو فقالهم الهمه يارجاله هى سوده وفيها سحاب ...

.................
واحد وهو بيموت نظر لزوجته نظرة رومانسيه و قالّها لما انفصلت كونتي معايا , و لما مرضت وقفتي جنبي , ولما فلست برضوا كونتي معايا , واسى لسه جنبي .
مسك ايدها بحنيه و قالها مش عارف ليه حاسس ان طول عمرك نحس ...
...................
صعيدي رمى على حبيبته ورده , مــاتت ..!! ليش..؟؟
نسى يشيل الورده من المزهرية ...
...................

&&&&&&&&&&&&&&
مرة واحد أحول عنده ولد أحول، الراجل بيشوف أي حاجة أربعة وإبنه بيشوف أي جاجة إتنين.
دخل الولد على أبوه الصالون وقاله: بابا أجيبلك شاي إنت وعمي قاله الأب: لا .. وخد إخواتك وإطلعوا بره.

واحد بلدياتنا سافر فلسطين عشان يعمل عمليه استشهاديه والاخوه الفلسطنين جهزوه بكل حاجه من المتفجرات وادوا له موبيل وراح مكان فيه اتنين اسرائليين قالهم افجر قالوا له استنى شويه اتصل تانى قالهم بقوا عشره قالوا له استنى اتصل قالهم بقوا ميه قالوا له فجر طلع السكينه وطعن نفسه.

- فار قاعد يقول كل القطط تحت جزمتى لقى قط اسود وراه قال الا ابو سمره حبيبى.

- تايه بيسأل واحد ماشى في الشارع ايه اسرع طريقه اروح بيه المستشفى ؟ قال له غمض عينك وعدى الشارع
مره فيل داس على نمله قالت له ياواد ياتقيل.

- عالم جاب ذبابة وضربها وقال لها طيري، فطارت، ولما قص جناحها قال لها طيري، ما طارت

فاستنتج العالم وقال ان الذبابة اذا قصصت جناحها لا تسمعك.

- في المدرسه استاذ الحساب بيسال التلميذ بتاعه: لو باباك استلف الف جنيه من البنك والف جنيه تانيه من جاركم يبقى هيرجع كام الف، التلميذ: مش هيرجع حاجه يا أستاذ، الأستاذ: ياابني استلف الف وبعديها الف تانيه التلميذ : مش هيرجع حاجه يا استاذ، الاستاذ: اقعد يا ابني انت متعرفش حاجه في الحساب، التلميذ: انت اللي متعرفش ابويا يا استاذ.

- مره واحده حامل ابنها الصغير بيسألها:ايه اللي في بطنك ده يا ماما قالتله :ده أخوك يا حبيبي...تاني يوم و هوه في المدرسه المدرس سأله:انت عندك اخوات؟ قاله:كان عندي واحد بس ماما أكلته.

- مرة واحد بيسألوه ايه سر الرومانسية اللى انت فيها مع مراتك على طول؟؟ قال لهم اصل احنا محافظين من زمان على عادة رائعة بنروح نتعشى فى مطعم رومانسى مرتين فى الأسبوع انا يوم التلات وهى يوم الخميس.

- واحد أخنف حظه وحش قوي..وقع في حفره وفضل مستني لغاية ما واحد جه وعلى حظه كان أخنف برضه.. الأخنف اللي فوق قال ... استنى شوية .. حاطنّعك دنوأتي

قاله بسنعة .. قال له و كمان بتتنيأ ؟ طب شوف مين حيطنعكّ

- مرة واحد مسطول بيلعب كورة اخد الكورة على صدره طلعها من منخيره

- بلدياتنا بيوقف تاكسي فسأله: فاضي يااسطة فقال له الأسطة: ايوة فاضي

فقال له بلدياتنا: طيب ماتيجي تقعد معايا شوية .