عدد الرسائل : 41 العمر : 39 تاريخ التسجيل : 20/02/2008
موضوع: الى متى ؟ ... بقلم / حامد فوزى ،،، الأربعاء فبراير 27, 2008 2:32 am
الى متى ... ؟؟؟
الى متى سنظل صامتون عاجزون حتى عن ابداء آرائنا ؟ مسجونون داخل سلبيتنا محاصرون بتبلدنا مكبلون بقانون الطوارئ و امن الدوله والامن العام والمخابرات والى ورا الشمس ، هل سنكون فى يوم من الايام نحن ام سنصبح ناس اخرون ؟ مصنوعون صامتون ، هل سنحقق ولو جزء بسيط من طموحاتنا ؟ ام سنرى على ارض الواقع مشروعاتهم هل سنرى يوما حلولا لمشاكل جيل كامل بل دوله كامله ؟ ام سنرى عالمهم الوردى المنتظر .
عندما تعيش فى هذا العالم - الذى اتحدث عنه - تحمد الله انك لسه عايش ولست داخل كرش احد القروش ولكن مهما كان القرش قوى مسيطر حاكم متسلط رئيس ، فاعلم ان ثورة الاسماك ليست هينه بسيطه ، ولكن السؤال الاهم هو متى هذه الثوره ؟ الى اى حد ننتظر ان تصل الامور حتى تتحقق الانتفاضه ماذا ننتظر ان يحدث اكثر مما نحن فيه ، ماذا ننتظر ؟؟؟
- يا عم كل فتافيتك احسن ،يا سمكه ربى عيالك ، جحرك وعيالك عايزينك ، وبنطاطى . - تسمع عن مظاهره احتجاج مسيره ندوه جمعيه ...... يا عم انا مالى يعنى هما مستنينى . - تحلم بهوا نضيف ومواصلات فاضيه وطرق واسعه ورخاء اقتصادى ... تصحى من النوم تقول خير الله ما اجعله خير وتستعيذ .
وكأن السيئ هو الاصل والخطأ المبدأ والسلبية شعار الجميع ، والى فوق فوق على طول ، والى تحت يلعن ابو الى فوق ، والكبير قاعد ومبلط فى الكرسى من 30سنه - باين - وناوى يقعد ابنه آل يعنى هى ناقصه ومشبعناش من الكبير ، ما ننكرش ان فى حاجات كتير حلوه ومفيده بس النسبه لا تذكر .
يا ترى لسه فى ناس بتحلم بمصر احسن وحياه اكرم وبديموقراطيه وشفافيه من الاصلى - مش المصرى - ولا خلاص بقى امر واقع ، الحكومه من دول تتشكل وترسم خطط وتصدر تصريحات وبيانات و وعود للشعب الغلبان وسنه فى التانيه تتغير الحكومه وتيجى التانيه وكأنها تسير على نفس الخطى حتى تتغير الحكومه وهكذا ومن حكومه لحكومه يا قلبى لا تحزن - الا قليلا - ، نفسنا فى حكومه هدفها راحة الناس ومصالحهم تخاف على حقوق المواطنين وقانون يجيب للمظلوم حقه حتى لو مجريش وراه وتجيب للظالم نقطه ، نفسنا نشم هوا نضيف زهقنا من تصريحات نظيف الى تمن الورق الى مكتوبه عليه اغلى من التصريحات والوعود نفسها .
نفسنا بتغيير ولو بسيط بس على الاقل نحس بيه نفسنا الريس ينزل يمشى فى الشارع يحضر مباريات مسرحيات يجرب يشترى عيش يركب مواصله عامه ، ينزل من برجه العالى المكيف يجرب الحر والزحمه والدوشه ، يجرب يشرب ميه من الحنفيه ياكل فى مطعم بسيط يعمل اى حاجه من دول من غير جيش الحراسه المرافق ليه - او بيه - .
والله لو جت اللحظه الى فيها الريس يعمل فيها اى حاجه من دول بطبيعيه وتلقائيه ، اعرف ان الريس ده يستاهل انه يحكمنا ، يستاهل نروح الانتخابات نديله اصواتنا ، ونهديه مصيرنا وقلوبنا .
ربنا يخليك لينا يا ريس ، ويكون فى عونك علينا ، عارف ان المسؤليه كبيره بس عارف برده انك قدها وقدود ، ربنا يطولنا فى عمرك .
حامد فوزى ،،،
والنبى ابقو اسالو عليا بعد ما تقرو الكلام ده .
أميرة الحب مشرف
عدد الرسائل : 43 تاريخ التسجيل : 23/02/2008
موضوع: رد: الى متى ؟ ... بقلم / حامد فوزى ،،، الأربعاء فبراير 27, 2008 4:35 am
احساس جميل
بس لو كل واحد قال ياريت ويستني اللي جنبه يعمل
محدش هيعمل حاجة ..... وهنستني كتييييييير
ابدا بنفسك أولا .وهتلاقي اللي يمشي وراك ويساعدك
وان شاء الله لو حصل حاجة هنبقي نجيلك بالعيش والحلاوة
حامد فوزى همساوي جديد
عدد الرسائل : 41 العمر : 39 تاريخ التسجيل : 20/02/2008
موضوع: رد: الى متى ؟ ... بقلم / حامد فوزى ،،، الأربعاء فبراير 27, 2008 5:17 am
وان شاء الله لو حصل حاجة هنبقي نجيلك بالعيش والحلاوة ************ مهو ده العشم برده
ولو انى مبحبش الحلاوه غير فى المناسبات
اتمنى تبقى جبنه مثلثات
وبطانيه لحسن الجو بيبرد بالليل
اما عن السجاير وكارت الشحن فا هابقى اتصرف انا فيهم
شكرا على شعورك النيبل يا اختى
مش عارف من غيركو كان مين الى ها يقف فى الطابور ويجبلى عيش انت عارفه طابور العيش الى مبيتحركش ده هوه ده جربو وانزلو اقفو فيه
ويمكن بعدها تشرفو جمبى لو حد قال العيش وحش ولا مش مطابق لمواصفات وزارة الصحه و وزارة التموين
ويجعله عامر
حامد فوزى ،،،
همس الحب مراقب عام
عدد الرسائل : 175 العمر : 36 الموقع : www.hamasaat.yoo7.com تاريخ التسجيل : 17/02/2008
موضوع: رد: الى متى ؟ ... بقلم / حامد فوزى ،،، الأربعاء فبراير 27, 2008 11:44 am
ههههههههههههههههههههههههههه الله يخربك عقلك حامد موضوع يودى الجوانتاناموا ههههههه علشان تبقى تنام فية براحتك هههههه واذاكاد على البطاطين من عنييا الاتنين بس كدة ....لا نسيت الجبنة المثلثات اكيد هجبهالك ......وهقوم لك اكبر محامين البلد وهى همس الحب ......ناصرة للمظلومين والمحرومين من الجبنة والعيش هههههههههه
بس على فكرة لو كنت بتشرب سجاير أنا هترافع ضدك ههههههههههه اوعى بقى خلى بالك واحترس منى ههههههههه انت اكيد مش عارف انا معاك ولا ضدك .....بس انت عارف وانا عارفة الدفعة الجاية .....اش فش ....(سكرت توب) لو كان فيها سجاير .....هههههههههههههه
حامد فوزى همساوي جديد
عدد الرسائل : 41 العمر : 39 تاريخ التسجيل : 20/02/2008
موضوع: رد: الى متى ؟ ... بقلم / حامد فوزى ،،، الأحد مارس 02, 2008 3:00 am
الله يخرب عقلك
ارد على المسرحيه دى يا همس اقول ايه
ويا ستى كتر خيرك والله مظبطانى مظبطانى يعنى
اما عن موضوع السجاير فى فى فرصه تانيه نتكلم عليها بالتفصيل
تسلميلى ويسلمى مرورك على موضوعى
بس عن الدفعات ... احنا اتاخرنا كتير عن الجدول المتفق عليه
( توب سيكرت طبعا )
همس الحب مراقب عام
عدد الرسائل : 175 العمر : 36 الموقع : www.hamasaat.yoo7.com تاريخ التسجيل : 17/02/2008
موضوع: رد: الى متى ؟ ... بقلم / حامد فوزى ،،، الأربعاء مارس 05, 2008 11:32 am
اوك يا مااااااااان لما نشوف الفرصة التانية دى امتـــــــــــــــــــــــى
master man الأدارة
عدد الرسائل : 108 العمر : 41 تاريخ التسجيل : 20/02/2008
موضوع: رد: الى متى ؟ ... بقلم / حامد فوزى ،،، الأحد مارس 09, 2008 11:30 am
ههههههههههههههههههههههههههههههههههههههههههههههه موضوع جامد ياحامد بس انتا انطلق واحنا انشاء الله باسم ادارة المنتدي هنعملك كباب وطرب ونجيلك علي جونتنامو انشاء الله
حامد فوزى همساوي جديد
عدد الرسائل : 41 العمر : 39 تاريخ التسجيل : 20/02/2008
موضوع: رد: الى متى ؟ ... بقلم / حامد فوزى ،،، الإثنين مارس 10, 2008 12:27 am
الف شكر يا ماستر على شعورك النبيل ده
بس الى انا ملاحظه ان كل الردود بعيد عن صلب الموضوع
******************
مش نفسكو فى الى انا نفسى فيه ولا انتو عايشين فى نييس
ولا عاجبكو الى وصلناله
انا عن نفسى مش عاجبنى ومش ها يعجبنى
حامد فوزى ،،،
همس الحب مراقب عام
عدد الرسائل : 175 العمر : 36 الموقع : www.hamasaat.yoo7.com تاريخ التسجيل : 17/02/2008
موضوع: رد: الى متى ؟ ... بقلم / حامد فوزى ،،، الإثنين مارس 10, 2008 4:19 pm
انا اقولك حاجة ....فى موضوع نزلة ماستر ...اسمة اللى قبلنا قالوووووووووووووووو...وزى ما قال ماستر قبل كدة
لو مش قادر تتأقلم على الحال دة ......... تروح تموت خميس وجمعة ...وتيجى السبت ميه ميه